Warna Hidup

jalai idup aku
pejam encelak enda berasai umur nyau tuai setuai..pejalai makin panjai singkang tang meh ati tetap baka selama tetap agi aku ke suba tajapan nyau makin betambah penemu laban ke mai diri belelang ngiga pemandai ba menua orang.Tang meh makin jauh kitai bejalai makin mayuh utai enda kala ditemu,diasai kitai nyadi dalam idup kitai..tajapia nya bedau cukup kena kitai ngidup kediri kedudi ari ila.Agi mayuh utai enda temu kitai tajapan munyi ko orang tinggi pelajar pan enda semesti ya kitai nemu semua utai laban jalai pengidup kitai tu mayuh cabang,mayuh tuju nya alai sebedau mula ke pengidup baru kitai patut nyedia kediri enggau macam-macam penemu ukai ja pemandai,cara kitai begulai enggau orang,cara kitai ngurus ka rumah tangga..tang meh mayuh agi ke lebih penting..Nya meh ba dalam runding aku..Ti baka kami sebilik nadai meh nemu penyenang enggau pengaya tajapia aku amat beterima kasih agi Tuhan laban bisi diri sebilik ke meruan,mentas enggau penuh kasih sayau..ngagai apa enggau mak aku meri besai terima kasih laban ti udah nupi,nyegula serta meri pengidup ke diatu agi aku..aku sayau mat ke seduai..amat pan aku nemu aku selalu enda nitih nama ko seduai tang nya ukai tanda aku enda sayau@enggai ninga ke jaku seduai..engka laban bai umur ke agi biak kadang-kadang udah silap@udah kelanjur ngereja pengawa ke dikenggai seduai nya baru aku sedar..minta ampun ga tegal selalu ngenusah,enda mending ka jaku tagang seduai..pia mega ngagai bala madi ka mayuh nulung aku ngelamatu aku amat meri besai terima kasih mega tegal sukung enggau tulung bala kita..ngagai madi ke dikesayau aku,aku arap ya mujur dalam pelajar enggau pengidup ya..arap ya enda nunda kesilapan aku tang lebih manah ari aku..nya meh dikandar aku..ambi apa enggau mak berasai bangga enggau kitai..pia mega ambi pengorbanan enggau penusah ke dilalui sida berbaloi..aku nemu ukai nyamai gawa ba rumah panjai bumai,betupi lada,nangkal,bekebun..laban aku kala ngasai tiap kali pulai cuti nya meh pengawa aku kasih ke apa enggau mak nyau makin tuai tang majak kereja berat..pia mega bai ati ti ransing deka nyambung belajar suba aku kala kereja part time nyadi promoter,naka pengelelak ngiga belanja..tang meh laban kasih ke apai indai ke mayuh agi merinsa tegal bala anak sida tu nya ngasuh ati makin kuat,teguh agi kereja..udah bulih nyambung belajar ba universiti ditu nya baru ngasai dunya tu makin kompleks makin mayuh pekara ka patut digaga kena ngemujur ka jalai pengidup diri..mayuh bala kaban ditemu..pupu bansa,menua..tajapia nya ukai penanggur enggau bekaban,asal ati manah enggau kitai nya meh kaban..tajapia enda ga semua kaban kitai manah enggau kitai engka laban enda sama penatai nya ngasuh mayuh enda sepenemu..nya meh idup tu kadang-kadang ngasuh tusut runding..tang kadang-kadang ngasuh ati majak ransing ngidup kediri..