BLOGGER TEMPLATES AND TWITTER BACKGROUNDS »

Tuesday, September 22, 2009


gambar maya baru masuk universiti sains malaysia..maya agi biak..haha..nasib manah laban maya ba airport penang aku betemu enggau indu iban siku ari kuching..kami duai berandau alu bekelala nyentuk ka bekaban tang meh laban ke enda sama kursus nya ngasuh enda masa begulai,betemu pan kadang-kadang aja.taja bakanya,maya orientasi@minggu suai kenal mayuh kaban ke dikelala,kelebih agi indu cina enggau indu tamil.nya meh nyadi ke kaban.taja pia,lepas berapa ari udahnya baru aku bekelala enggau dua iku indu lalu nyadi ke kaban aku sampai ke saritu.siku indu iban ari kuching lalu siku indu bansa rungus ari sabah.tajapia kami begulai naka pemanah taja enda sama menua,bansa,agama tang meh laban ke sama anak kampar ngiga pemandai ba menua orang ngasuh kami rapat enggau makin nemu mai diri,mai jalai pengidup diri.kelalu mayuh ka dicerita ke aku ditu ambi ke dikungsi enggau bala kaban bekenang tentang terubah masauk universiti enggau pengidup ba universiti..

pengidup nyadi pelajar universiti

mula-mula aku datai ba universiti sains malaysia mayuh macam anggapan enggau penusah dibai ati ti serurun irau enggau rindu ke bala ba menua. tapi laban ati ti ransing ka ngemaju kediri,kediri sebilik nya ngasuh ati makin ransing nitih ke singkang orang bukai ke datai ari macam-macam menua,macam-macam bansa.datai ba airport laban ke pertama kali nepan bilun naka meh pengirau ati,kaki asai berat ka nyingkang nambah ke agi maya nya tunang ga nganjung nya ngasuh ati majak beraie..ai mata labuh beterutu ninggang kuyu ngenang nasib diri ti kediri jauh ngejang agi menua orang belelang ngiga pemandai..ngenang apai indai ti bekeradai ngiga duit ke belanja anak sida tu besekula..naka meh ati maya nya,semina Tuhan aja meh nemu..datai ba bilun,nasib ga aku enda bebeli-beli lalu mujur ngatur diri..Puji Tuhan..laban semampai ngiring ngering pejalai aku niju menua orang ti enda kala ditemu malah enda kala terfikir pun aku,ia aku ke belajar ba Pulau Pinang..tang laban ke ka ngiga pemandai enggau penyenang dudi ari ila aku mujuk ati diri belelang agi menua orang ninggal ke diri sebilik,tunang enggau bala kaban..taja pia,sida seruran dalam ati aku belama nyadika pengering enggau pengeliat ati ku..sokong enggau jaku perangsang sida seruran aki simpan nyentuk ke saritu,taja jauh ari pangan tang sida semampai aku kenang kelebih agi diri sebilik ke mayuh nulung nyukung aku ngelamatu..

Related Posts with Thumbnails