BLOGGER TEMPLATES AND TWITTER BACKGROUNDS »

Thursday, September 24, 2009

Ngagai bala kaban ke sama bansa iban sama meh kitai nyukung nama ke udah dikemaju ke bala kaban belayan kitai ke udah maju baka dalam dunia penulisan,filem,leka main enggau bidang bukai. Ndai salah nyema kitai meli tauke maca nama ke digaga sida,kitai patut nyukung bansa diri empu,sama betulung ngemaju ke bansa diri. Walaupun pada hakikat ya bansa kitai lebih agi begedi agi pangan diri lebih agi ti ba rumah panjai.Nda tau ninga bisi orang belajar tinggi,bisi pengawa meruan,kaya..macam-macam petenah digaga ambi ka orang nya nda mujur baka sida. Uji fikir enggau manah,enggau dalam-dalam bisi ke pegawa kenya mai pengelantang,penyenang agai sida?Kadang-kadang hairan ga aku,nama kebuah sikap kitai iban bakanya,sedangkan enti bansa bukai mayuh agi betulung,besukung ka bansa diri ti maju..siti agi sikap kitai iban paling enda dikerindu ke aku ianya ka amat mabuk,ngirup sampai enda sedar kediri empu,endai basa agi orang bukai.Nambah ka nya mega,kadang-kadang berekak,belaya enggau diri sebilik,nyamah bini,bebunuh..Kadang-kadang malu ka ngaku nya bansa diri ti meda mabuk ba kaki lima,ba sebelah jalai alun..uji enti nadai pegawa baca pegari,baca novel iban,nya bisi agi reti..kadang-kadang mayuh kitai iban nda berati ka pekara nya..nya meh siti ari sikap kitai iban ka ngasuh kitai majak mundur enda tetitih ka bansa bukai. Ukai ga semua kitai iban kenya laban mayuh ga menyadi iban kitai ke bukai maju,bepangkat tinggi,bepelajar tinggi.Kadang-kadang sinu ga aku berati ke semuanya,malah ba rumah panjai aku empu pan kenya ga kadang-kadang kala ga pansut ari mulut aku tentang pekara nya lebuh ka bekenang enggau bala ibu,aya,apai,indai,bala madi enggau bala kaban ke bukai.Uji meh kitai nitih ke singkang bansa bukai,anang majak enggau sikap ke jai bakanya labannya nadai mai penguntung agi kitai empu.Dunya tu majak maju semaju nya alai sama meh kitai nyingkang nitih ke pemansang.

0 ulasan:

Related Posts with Thumbnails